موشح غزل....يلا...

[شادي موسى]

[poem=font="Simplified Arabic,6,purple,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
بتمنى من الكل يشارك بالغزل يلا...

----------------
قَصة شَعرك قصرتي = وأسرارو كتار
وطار الشَعر وطيرتي = منو الأسرار

-------------------

كنّا زغار وفرّقنا = العمر بنسيان
بنسيان العمر حرقنا = والماضي كان
كان الماضي يغرقنا = بروضة نيسان
بنيسان الروض اشتقنا = تانعود زغار


--------------------

يلا وين الغزل؟؟

[هاني فراس السواح]

ما بتولد الاشيا الا بعد مـا تـمـوت ..
متـل اـيام السنـــي ..
وحـدو الـهـوى بيـناتــنـا لــو مـات ..
مــافـي عــنــا دنــي ..
وحـدو الـزهـر حـامــل حـكــايــات ..
ايام زمان و الولـدني ..
و ايامنا كلا عدت متل هالنسمات ..
بطيئة حلوة مزيني ..
قصتنا كلها انكتبت عبياض صفحات ..
مرقت علينا .. متل ايام السني ..


س و ا ح

[JEANA]

موشح جميل جدأ يا هاني شكرأ و منتمنى تزودنا ع طول بالموشحات الغير شكل

[هاني فراس السواح]

نورت الدني لما لعندكن جينا ..
و نادوا الشعار باسمك جينا ..

من هالطلة لاحلوة لا تحرمـيـنا..
و كتري من كلماتك الحلوين ..

و من ردودك الرائعةمتلك زيدينا ..
تنزود بالشعر مو مرة مرتين ..


شكرا الك جينا
هي هيك بيتين عالسريع
كتبتن كرمالك ..


س و ا ح

[JEANA]

شكرأ إلك يا هاني يا اللي اسمك احلى الاسامي

من شعرك لا تحرمنا وخليك

بالمنتدى منور روحنا
و بعتذر منك لان اسمي جيانا :مع الشكر ع هل الشعر الحلو كتير

[هاني فراس السواح]

طيب و هي لعيونك يا جيانا مع الاعتذار :

اختلطت على هاني الاسماء ..
و ضاع بين جينا و جيانا ..

ما بتفرق جينا جيانا او سناء..
مـريـم نـجـوى او ديـانـا ..

المهم عرفت هلق اســـمك ..
و احلى الاسماء هو جيانا ..


عنجد مع اشد الاعتذار يا جيانا ..


س و ا ح

[JEANA]

ميرسي يا هاني

[janoura]

[poem=font="Simplified Arabic,7,crimson,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قَصة شَعرك قصرتي = وأسرارو كتار
وطار الشَعر وطيرتي = منو الأسرار

شادي

[نبيل فيصل]

قَصة شَعرك قصرتي ..... وأسـرارو كـتـار
وطار الشَعر وطيرتي ..... مـنـو الأســرار

********************

شادي غنّى هالوصلة ...... وْ بولس عشقان

ومن هالغرّة والنصْـلة ...... جابــــوا الأوزان

قصّة شعرك عالاصلي ........ عِـمْـلتْ ديوان

وكلْما قصّيتي خصلة ........ بتحكي اشعار

******************

قَصة شَعرك قصرتي ....... وأسـرارو كـتـار
وطار الشَعر وطيرتي ....... مـنـو الأســرار

[FIRAS]

قَصة شَعرك قصرتي ..... وأسـرارو كـتـار
وطار الشَعر وطيرتي ..... مـنـو الأســرار

*******

شعرَك شْعرو بيتغّنى ******* عا أحلى بحور
يا موشح يمّا معنّى ******* وشعر ومنثور
ولما بشوفو بتمنّى ******* جنينة منتور
نقيلو وردة منّا ******* وعقد وزنار

*******

قَصة شَعرك قصرتي ..... وأسـرارو كـتـار
وطار الشَعر وطيرتي ..... مـنـو الأســرار

[روز نخلة]

الله الله الله شو هالجمال البجنن

جمال كلمات وعبر ومعاني وحلاوة

تسلم دياتكن شادي موسى وهاني سواح وجنورة ونبيل فيصل وفراس أهلا أهلا بهالطلة الحلوة أبدعتوا الجمال بعين أمه ... أبدعتو اللغة العربية ... أبدعتو بالشعر الجميل كل ماهو حلو وجميل

شكرا شكرا شكرا ومنتظرين تكملوا مسبحة الجمال للآخر

[شذا نهري]

لك ريتو يسلم تمكن يا شعار منتدانا يعني بولس ولا شادي ولا نبيل ولا هاني ولا فراس الكل غزلوا احلى من التاني

يعني ماقلتلك يا بولس متى ما اتحرك منتدى الزجل بيحرك المنتدى كلو لك جددتو الحياة بعروقنا الكانت غفيانة ع فراقكم وع فراق غزلكن وزجلكن الحلو عنا

لك جودوا جودوا كلنا ارواح صاغية لكم
يمكن ما نقدر انجاريكن بكتابة الزجل لأنو مانَّا ملمِّين بقواعدو واصولوا بس على اكييد الأكييد مع كل كلمة بتكتبوها روحنا بترقص رقص على هل غزل الحلو
زيدونا والاَّ فقدتمونا ايها الرائعيين

يعطيكن الف عافية يارب ننتظر المزيد المزيد منكم

[janoura]

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قَصة شَعرك قصرتي=وأسـرارو كـتـار
وطار الشَعر وطيرتي=مـنـو الأســرار
****