أسئلة ومسابقات

[بيلسان]

لنختبر معلوماتنا معا

موضوع ثقافي شامل يحتاج المشاركة منكم جميعا

سيكون هنالك 10 أسئلة في كل مرة

وسيتم الإجابة عليها "كلها" ( حتى لو لم يكن التأكد من الجواب تامّا )

لأن النتيجة هي من 10 ولن نتنازل عن التقييم

صاحب الأسئلة يقوم بتحديد النتائج ونشرها

أتمنى المشاركة من الجميع لنستمتع ونستفيد

وسأبدأ

1) من هو ملحن أغنية " يا صلاة الزين " ؟

2) ما هو " الخرتيت " ؟

3) أيّ اللونين يهيج الثور أكثر : "الأحمر" أم "الأبيض" ؟

4) ثمار نبات "الخشخاش" هي المصدر الأول لما سُمي في السابق ب "بلسم النسيان" وما يسمى اليوم ب ____ .

5) من الذي لقب ب "الرجل المستنير" ؟

6) إلى أيّة ديانة انتمت زوجة هولاكو الأولى ؟

7) ما هي أول مادة صُنع منها أسنان مزيفة ؟

8) لماذا لُقب الأخطل ( شاعر بني أميّة ) بهذا الاسم ؟

9) ما هو اسم رجل المخابرات الإسرائيلي الذي تم الكشف عنه وإعدامه في دمشق ؟

10) إذا بلغ الفطام لنا صبيّ تخرّ له الجبابر ساجدينا
بيت شعري يمتاز بالمبالغة الشديدة وقيل إنه أكثر أبيات الشعر مبالغة . من صاحبه ؟


تفضلو يا شباب

[shadi-abomonir]

اول الشي الله يعطيك العافية على الاسئلة والمعلومات ورح حاول جاوب على بعضها:
1- الملحن السيد درويش
3- اللون الابيض
4- الحشيش او المخدرات
10- الشاعر عمرو بن كلثوم
يلا عجلي وحطيلي العلامة......... مشكورة يا بيلسان وننتظر المزيد من الاسئلة والمعلومات.
9- كوهين

[روز نخلة]

يسعد مساكي بيلسان انشا الله تكون اجاباتي صحيحة لا ني تعبت لجبتها وشكرا الك هي معلومات قيمة
1- سيد مكاوي
2- اسم حيوان
3- الأحمر
4-المخدر
5- بوذا
6- الديانة النصرانية
7-مادة اليوجنول
8- لأنهم كانوا على عهد بني امية وهم شعراء ثلاثة الفرزدق الاخطل جرير
9- ايلي كوهين الذي اعدم في سوريا
10- عمر ابن كلثوم

[بيلسان]

شادي أبو منير
مشان نحطلك علامة من عشرة كان لازم تحط 10 أجوبة
وهالشرط كان واضح بالبداية
بس مش مشكلة هالمرة ولأنك أول مجيب يا نجيب

1 - خطأ ( مش السيد درويش )
3 - صح ( لأنو بيعطي انعكاس اكبر للضوء بما انو الثور عندو عمى ألوان )
4 - خطأ - الحشيش هو نوع من السموم ولكنه ليس الجواب لأن أصله من نبتة المارخوانا
9- صح ( إيلي كوهين )
10 - صح


علامتك 3 من 10 يا شادي وحظا أوفر




وبالنسبة للست روز
1 - خطأ ( مش سيد مكاوي )
2- جواب غير كافي ( حيوان مين )
3- خطأ ( والشرح مدون أعلاه )
4- جواب غير كافي أيضا ( ليس هنالك مخدر واحد ووحيد بل هنالك أنواع مختلفة ونباتات مختلفة )
5- صح
6- صح ( كانت المحروسة انسانة طيبة واسمها دوقوس )
7- خطأ
8- خطأ أيضا يا ست روز ( السؤال يخص الأخطل وحده وتسميته جاءت من خصلة فيه )
9- صح
10 صح



علامتك 4 من 10 .. تزعليش ها



ما عادش الها طعمة يجي حدا ويحط اجوبة لانو رح ينقل من شادي والست روز
مشان هيك رح نكمل الحلقات المفقودة :

1- ملحن أعنية يا صلاة الزين هوي زكريا أحمد ( وهوي غناها لأول مرة صوتو )
2- الخرتيت هو وحيد القرن
4- الأفيون هو ما يستخرج من ثمار نبات الخشخاش وهوي نوع مخدر سموه مرة بمصر " أبو النوم"
7- الذهب هي أول مادة صنع منها اسنان مزيفة ( وبيجوز كان هالشي ايام الفراعنة )
8- لقّبو الأخطل هيك لأنو كان سفيه اللسان



أتمنى أن تكونوا قد استمتعتم معنا في الجولة الأولى

[ميرنا]

كنت رح شارك بس بما انو انوضعت الاجوبة فأكيد مافي لزوم

ميشان ماانقل بيلسانتي الغالية
شكرا الكم
نرجو المزيد

[shadi-abomonir]

الغالية بيلسان لا تواخذيني الله يخليكي بس انا متعود وانا طالب بس جاوب عا الي بعرفو ...
على كل مشكورة كتيير وما تطولي بالمسابقة التانية لانو بدي اخد عشرة على عشرة ..
... وتفضلي بقراءة مشاركتي واعطائي رايك ( نزيه ابو عفش/ متجدد) ...
والسلام ختام.

[الدكتورة]

موضوع جميل بإمكاننا الاستمرار فيه يا بيلسان
ولكن ، اسمحي لي بملاحظة تقنية
إن النتائج التي منحتها للمتسابقين كانت في غاية التعسف
خاصة وأن الأسئلة تحتاج ثقافة متنوعة عميقة أقصد أنها لا تدور في مجال واحد ووحيد
أقترح تقسيم مجموعات الأسئلة إلى خمسة في كل مرة
وبهذا يمكن إبقاء العلامة النهائية من عشرة مع أعطاء كل سؤال قيمة نقطتين
وهكذا يصبح في مقدور المتسابقين الحصول على جواب جزئي صحيح
يكون مقداره نقطة بدل اثنتين
أرجو ألا تكون ملاحظتي قد أزعجتك
شكرا لك مرة أخرى

مجموعة أسئلة فنية موسيقية ( عربية )


1) في أيّ فيلم غنّى المطرب الراحل عبد الحليم حافظ أغنيته " مشغول وحياتك مشغول " ؟
2) مسلسل سوري يدعى " على طول الأيام " استُمد اسمه من أغنية للمطرب ________ .
3) في أيّة مسرحية غنت فيروز " بكرا انت وجايي " ؟
4) من الممثلة الذي قامت بدور اليمامة ابنة كليب في مسلسل الزير سالم ؟
5) ما اسم فرفة الرقص التي قدمت استعراضات فيلم " غرام في الكرنك " ؟

[fareed]

سأحاول الإجابة عليها بقدر مامنحني الله من ثقافة فنية على طول الأيام



سين :في أيّ فيلم غنّى المطرب الراحل عبد الحليم حافظ أغنيته " مشغول وحياتك مشغول " ؟
جيم: أظن بأنه فيلم الوسادة الفارغة المأخوذ عن قصة الروائي المصري إحسان عبد القدوس

---

سين: مسلسل سوري يدعى " على طول الأيام " استُمد اسمه من أغنية للمطرب ________ .
جيم: هادا بعرفو مليح ( المرحوم محمد عبد المطّلب )

---

سين: في أيّة مسرحية غنت فيروز " بكرا انت وجايي " ؟
جيم: هي معروفة مسرحية بترا

---

سين: من الممثلة الذي قامت بدور اليمامة ابنة كليب في مسلسل الزير سالم ؟
جيم: مابعرفا

---

سيم: ما اسم فرفة الرقص التي قدمت استعراضات فيلم " غرام في الكرنك " ؟
جين: بعتقد فرقة المنبوطية أو مايعرف باسم ( فرقة بحّارة بور سعيد)

إيزا ماني غلطون

[روز نخلة]

والله على هيك اسئلة بيلسان اسهل

قال جبناك ياعبد المعين لتعين قام طلع بدك مين يعينك

اسفة مابعرف ولا جواب

ياريت يافريد تنفرد بالتعاون مع فريدة بالإجابات الصحيحة

وتريحونا

[fareed]

أريد أن أوضّح آخر جين على آخر سيم
قبل ما الدكتورة تحطلي صفر
الفرقة كانت تشتهر برقصة المنبوطية أو مااصطلح على تسميته رقصة بحّارة بور سعيد
لكن اسم الفرقة ( فرقة رضا)
إسمع يارضى وسمّعنا

[الدكتورة]

يا مدام روز نخلة
أحترم رأيك وصراحتك بعدم معرفتك الأجوبة لأي من أسئلتي الفنية المطروحة
ولكنني لا أوافقك الرأي بأن ينفرد اي من الأعضاء في المشاركة بالمسابقة
لأن المتعة والإفادة يأتون بتعاون الجميع في صفحة المعلومات هذه
أتمنى مشاركة فعالة من الجميع



فريد
تقبّل تحيّاتي في البداية
لأنك أحد الأعضاء القلائل المغامرين في المنتدى
وقد تكون الأشجع بين الجميع

إن كنا سنعطي نقطتين لكل سؤال حيث يكون المجموع 10
فالنتيجة هي 10/8
أصبت في 4 أجوبة وأخطأت في سؤال واحد هو الرابع
والجواب هو : الممثلة تاج حيدر
هي التي قامت بدور ابنة وائل كليب في مسلسل الزير سالم .


تهانيّ الحارة يا فريد
نحن بانتظار أسئلتك لنختبر معلوماتنا
وشكرا

[روز نخلة]

مبروووووووك فريد

انشالله الف الف مبرووووك

تهانينا الحارة

والله انك شاطر ماشالله

منين مابدك تكون شاطر اذا انت على طول متابع

الله يحميك ويوفقك

ويديمك هي اهم شي ( يديمك بصحة وعافية )

ونحنا كلنا منحبك

[بيلسان]

شكرا يا دكتورة منتدانا على مبادرتك الحلوة بالأسئلة الفنية
انشالله منشوفك مشاركة بهالصفحة على طول
لانو فعلا المعلومات كانت ممتعة ومفيدة
وفريد كمان بهنيك على هالنتيجة
بترفع الراس والله
مش رح احط أسئلة انا هالمرة
الدور دورك يا فريد مشان تختبر معلوماتنا
اتكل يللا واسلخنا كمشة أسئلة




مدام روز لشو اليأس
لازم نشجع الأعضاء يشاركو ويتنافسو ويستفيدو
بعدين ..
مين عبد المعين

[روز نخلة]

لك علة عيني انت يابيلسان بتموني
على الراس والعين
وتفضلوا يا أعضاء حطوا اسئلة

ولا تفضل يا فريددوووو
منتظرين اسئلتك بس خليها هيني ها

[بيلسان]

الظاهر يا مدام روز إنو فريد مشغول بمسابقات من نوع تاني ترى
مسابقات ملكات الجمال
أوعروض الأزياء الربيعية لسنة 2007
فريد متعدد المواهب والاهتمامات
وما أدراكم ما فريد


ما علينا
انا جاي عبالي أكمل
مزالو ما حدا متبرّع يكمل .. خلونا نشوف شغلنا
تخافوش مني .. آه .. فش إشي بيخوّف
متل شكّة الدبوس




ورح نكون مع 5 أسئلة جديدة ..


1. ما هو مسقط رأس ألفريد نوبل مخترع الديناميت ؟
2. هل شخصية جحا حقيقية أم أسطورية ؟
3. مسرحية "العشرة الطيبة" من أشهر الأوبريتات التي لحنها الموسيقار "سيد درويش" ، وكانت أوبريت وطنية مؤيدة لزعيم عربي .. من هو هذا الزعيم ؟
4. "أبلا" هو اسم مملكة قديمة سادت قبل حوالي 4500 سنة، في أيّ من دول العالم كانت موجودة؟
5. نقول "حديث ذو شجون" فما هو معنى كلمة شجن ؟

[nourask]

ميرسي بيلسان أنتي دايماً عندك أفكار ومشاركات ولا أحلى
اقبلي مني هذه المشاركة
بس ما عرفت يلي بيربح شو بيطلعلو ( مثلا تيكت ذهاباً وأياباً لوين؟؟؟؟)1.
ما هو مسقط رأس ألفريد نوبل مخترع الديناميت ؟
ج ولد في مدينة استوكهولم في السويد
2. هل شخصية جحا حقيقية أم أسطورية ؟
ج شخصية أسطورية
3. مسرحية "العشرة الطيبة" من أشهر الأوبريتات التي لحنها الموسيقار "سيد درويش" ، وكانت أوبريت وطنية مؤيدة لزعيم عربي .. من هو هذا الزعيم ؟

ج بظن بس مو متأكدة أنه الزعيم هو سعد زغلول
4. "أبلا" هو اسم مملكة قديمة سادت قبل حوالي 4500 سنة، في أيّ من دول العالم كانت موجودة؟
يمكن قصدك ( إبلا) تقع بالقرب من ادلب في سوريا (تل مرديخ)

5. نقول "حديث ذو شجون" فما هو معنى كلمة شجن ؟
ج الشجن هو الطرب بس يمكن بتجي كمان بمعنى الحزن بس مرات يعني تقريباً كل تلاتاء وخميس...

[بيلسان]

شكرا لمبادرتك الشجاعة يا نورا
وبالنسبة للجائزة بعدنا مش معتمدين
بيجوز شي تيكيت طيارة لرحلة حول العالم
أو شي تيكيت صاروخ لرحلة حول المجموعة الشمسية ( اللي زادت كوكب مؤخرا )
ولبين ما يصدر القرار النهائي
رح نعتمد الجائزة المعنوية التقديرية الضيعجية
ألا وهي
النتيجة من عشرة


لكل سؤال نقطتين .. متل ما بدها الدكتورة


1. ألفريد نوبل أصلو سويدي مزبوط ...... إلك نقطتين - 2
2. شخصية جحا حقيقية ...... جواب خاطئ
في التاريخ شخصيتان تحملان اسم جحا . الاول دجين بن ثابت اليربوعي البصري .
والثاني تركي اسمه نصر الدين خوجة . وكان من طبعهما التحامق والتندر بغية إضحاك الناس.
3. سعد زغلول هوي الزعيم المقصود ..... إلك نقطتين - 2
4. إبلا هي مملكة سادت في سوريا حاليا .... مزبوط إلك نقطتين - 2
5. الشجْن مفرد شجون يعني الطريق .. ويقال حديثا ذو الشجون عن الحديث المتفرّع المتشعب .... جوابك خاطئ



النتيجة هيي 6 من 10 لنورا

ألف مبروك

وبدنا أسئلة جديدة

[فريدة]

من بعد إذنك يا بيلسان
وآذانكم جميعا
اسمحوا لي بالتطفل وطرح بعض الأسئلة
ستكون أسئلتي في مجال الأدب فقط
أتمنى لكم حظا وافرا
أوفر من حظكم في بيلسانتكم إن شاء الله




1. مدينة عربية قديمة جدا فيها آثار رومانية وعربية أهمها قصر لأحد خلفاء الدولة الأموية ، وهي أكثر مدينة عربية انخفاضًا عن سطح البحر ،،،،، ما هي ؟
2. من هي أول ملكة فرعونية آمنت بإله واحد ؟ ( كان قبلها الفراعنة يؤمنون بآلهة عديدة )
3. من القائل :
لا تسقني كأس الحياة بذلة واسقني بالعز كأس الحنظلِ
كأس الحيـاة بذلة كـجهنـمِ وجـهنـم بالعـزة أكـرمُ منـزلِ
4. ما هو مفرد كلمة أنامل ؟
5. من أين جاء التعبير "دق على الخشب" أو باللغة الانجليزية "Touch wood" ؟



أليكم سؤالا إضافيا يضمن لكم تحسين النتيجة في حالة خسارة النقاط

Bonus : ماذا عنى العرب بقولهم هذا المثل :

" حال الجريض دون القريض " . فما هو الجريض وما هو القريض ؟



عشتم وعاش الوطن

[fareed]

شو هالأسئلة الفريدة يافريدة
إنتي فريدة وأسئلتك أفرد منك
رح نرد على تطفلك بتطفل أكبر منو
يا ألله
رح بلش من حيث انتيهيتِ يا ست فريدة
أي من القريض
أظن والله أعلم بأن القريض المذكور أعلاه أتى من قرض الشعر
والجريض هو الريق
فإذا قلنا بأن الجريض يجفّ أثناء الخوف ( كما هو حال فريدة الآن ) فإن جفافه يحول دون قَرض الشعر

فنقول : حالَ الجريض دون القريض

مش كده ولاّ إيش

[روز نخلة]

اهلا اهلا اهلا اهلا إمتا صار هاد كله وين كنت انا ... صدقي يابيلسان أول مرة بشوف هالصفحة
اف اف ... آه يمكن لما كنت بطريقي من سوريا إلى الكويت مرورا بالاردن والسعودية
ونحنا جايين لما وصلت الأردن طلعت على أعلى مكان وناديت عليكي ولوحتلك يمكن ماسمعتيني
على كل يلا حطيلنا أسئلة جديدة بس سهلة ها..ها
مع انو فش اشي بيصعب علي وحياتك لا المكلوبة ولا المسخن ولا حراك بصبعو ولا الكرنبيط
بدي احكيلك نكتة حقيقية صارت معي بالدوام كان الي زميل فلسطيني من جماعة كلي وكلتلو
بعتني المدير لعندو لجيب ورق أسعار قام جاوبني زميلي الفلسطيني
كولي للمدير : الورق علكزاز ملزك .... إزا نكام بيتخزك
وانا عملتها بيت شعر ونشرتو ... طبعا للضحك
وهلق كمان هون للضحك بس حقيقة
بانتظار الالأســـــــــــــــــــــئلة السهلة كتير كتير